Monthly Archives

September 2007

Haustferð á Snæfellsnes

By | Fréttir | No Comments

Hin árlega haustferð Samtaka sykursjúkra verður farin laugardaginn 22. september 2007.

Lagt verður af stað kl. 8.30 frá Hátúni 10b.

Ákvörðunarstaður er Snæfellsnes

Heimkoma er áætluð milli kl 2100-2200.

Þáttakenndur eru hvattir til að hafa með sér hlý föt og nesti. Skráninig í síma 562-5605, vinsamlega skráið ykkur fyrir 20/9.

Þátttökugjald er Kr. 4000 á mann og er frítt fyrir börn 12 ára og yngri. Kvöldmatur innifalinn í verði

Takið endilega með ykkur gesti maka, vini eða foreldra

Ályktun framkvæmdastjórnar ÖBÍ

By | Fréttir | No Comments

Framkvæmdastjórn ÖBÍ lýsir miklum vonbrigðum með þá ákvörðun níu lífeyrissjóða að skerða eða afnema að fullu örorkulífeyri á annað þúsund örorkulífeyrisþega.

Gangi ákvörðun lífeyrissjóðanna eftir fer í gang spírall sem á stuttum tíma mun hreinsa viðkomandi sjóðsfélaga út úr lífeyrissjóðakerfinu og yfir á almannatryggingakerfið með tilheyrandi óþægindum og skerðingu fyrir öryrkja. Um slíka tilfærslu réttinda frá lífeyrissjóðum yfir á ríkið hefur engin samfélagsleg umræða átt sér stað.

Það vekur furðu að umræddir lífeyrissjóðir skuli fara fram með þessum hætti á sama tíma og verkefnahópur á vegum forsætisráðuneytisins, með fulltrúum stjórnvalda, aðila vinnumarkaðarins, ÖBÍ og lífeyrissjóða, vinnur að tillögum sem m.a. lúta að stóraukinni endurhæfingu og atvinnuþátttöku öryrkja.

Eru aðgerðir umræddra lífeyrissjóða ekki til þess fallnar að skapa traust milli aðila sem er forsenda þess að hægt sé að vinna að sameiginlegum tilllögum með þátttöku öryrkja í samfélaginu og á vinnumarkaðnum að leiðarljósi. Þá verður ekki séð að staða viðkomandi lífeyrissjóða gefi tilefni til slíkra aðgerða sem einkum beinast að tekjulægsta fólkinu.

Framkvæmdastjórn ÖBÍ mun fela lögmanni að kanna réttarstöðu örorkulífeyrisþega sem hafa fengið tilkynningu um skerðingu eða afnám örorkulífeyris og hvetur þá sem hafa fengið tilkynningu þar um að senda afrit af henni til skrifstofu ÖBÍ, Hátúni 10, 105 Reykjavík.

Reykjavík, 12. september 2007

Framkvæmdastjórn ÖBÍ

Nánari upplýsingar veitir Hafdís Gísladóttir, framkvæmdastjóri, sími 530 6700/896 3445

Ef þið hafið fengið tilkynningu frá lífeyrissjóðum um afnmám eða skerðingu örorkulífeyris þá eruð þið beðin að koma afriti af bréfinu til skrifstofu ÖBÍ.