Monthly Archives

April 2008

Deild á Suðurnesjum

By | Fréttir | No Comments

Ákveðið hefur verið að stofna deild innan Samtaka sykursjúkra á Suðurnesjum. Er það Sigrún Ólafsdóttir hjúkrunarfræðingur við Heilbrigðisstofnun Suðurnesja sem steig fyrsta skrefið í átt að stofnun deildarinnar og boðaði til fundar milli aðila á Suðurnesjum og Samtaka sykursjúkra.

Ákveðið var á þeim fundi að haldinn yrði stofnfundur miðvikudaginn 7. maí kl. 20 í húsnæði Kiwanisklúbbsins í Garðinum, nánar tiltekið Heiðartúni 4.

Á fundinum mun Funi Sigurðsson sálfræðingur halda erindi um mikilvægi þess að hafa félagsskap af öðrum í svipuðum sporum.

Eru félagsmenn á Suðurnesjum sem og aðrir hvattir til að mæta.

Ný stjórn

By | Fréttir | No Comments

Á aðalfundi Samtaka sykursjúrkra var kosin ný stjórn þar sem þær Anna Bragadóttir og Margrét Birgisdóttir gáfu ekki kost á sér til áframhaldandi þátttöku. Í þeirra stað komu Hallgrímur S. Sveinsson og Magnús Eyjólfsson. Eins og lög samtakanna gera ráð fyrir ákveður stjórnin svo embættaskipan sín á milli og var það gert á fyrsta fundi nýrrar stjórnar sem haldinn var mánudaginn 21. apríl.

Stjórnina nú skipa:
Sigríður Jóhannsdóttir, formaður
Ómar Geir Bragason, varaformaður
Hallgrímur S. Sveinsson, ritari
Sigfrið Ólafsson, gjaldkeri
Elín Þuríður Samúelsdóttir, meðstjórnandi/vefstjóri
Haraldur Þórðarsson, meðstjórnandi
Magnús Eyjólfsson, meðstjórnandi.

Viðtal við formann

By | Fréttir | No Comments

Viðtal við Sigríði Jóhannsdóttur formann Samtaka sykursjúkra birtist í 24 stundum, þriðjudaginn 22. apríl vegna umræðu um breytingu á niðurgreiðslu lyfja. Hér er hægt að lesa viðtalið við Sigríði á blaðsíðu 2.

Aðalfundur

By | Fréttir | No Comments

Fimmtudaginn næstkomandi þann 17. apríl verður aðalfundur samtakanna haldinn á Grand hótel. Fundurinn efst kl. 20.00 í Háteigi.

Eftir hefðbundin aðalfundarstörf verður Kristjana Hildur Gunnarsdóttir (Kiddý) íþróttakennari með erindið “Viltu bæta heilsu þína?”

Kaffiveitingar í boði, endilega fjölmennið og takið með ykkur gesti.

Nám og námskeið hjá Hringsjá

By | Fréttir | No Comments

Hringsjá veitir endurhæfingu til náms og starfa. Hringsjá er ætluð einstaklingum eldri en 18 ára, sem vegna heilsufarsvanda, fötlunar, áfallasögu og/eða félagslegra aðstæðna hafa ákveðið að endurmeta og styrkja stöðu sína og að efla persónulega færni.

Fullt nám er 3 annir
Inntaka í fullt nám fer fram tvisvar á ári
Umsóknarfrestur fyrir haustönn er til 16. maí 2008.

Kennd er tölvunotkun, bókfærsla, stærðfræði, íslenska, enska, félagsfræði, tjáning, myndlist og námstækni.

Veitt er náms- og starfsráðgjöf, kennd gerð starfsumsókna, þjálfuð atvinnuviðtöl og unnið að sjálfsstyrkingu. Ráðgjöf og stuðningur vegna lestrarerfiðleika, námserfiðleika, prófkvíða og annarra persónulegra þátta.

Kennt er í litlum hópum, námið er einstaklingsmiðað og áhersla lögð á þægilegt náms-og starfsumhverfi.

Námskeið
Inntaka á námskeið fer fram allt skólaárið

· Grunnnámskeið í tölvunotkun, 30 kennslustundir
· Excelnámskeið, 30 kennslustundir
· Bókhaldsnámskeið, 30 kennslustundir
· Ýmis önnur námskeið

Umsóknareyðublöð má nálgast á heimasíðu Hringsjár www.hringsja.is eða í skólanum.
Frekari upplýsingar veita Helga Eysteinsdóttir, náms- og starfsráðgjafi helga@hringsja.is og Linda Skúladóttir, forstöðumaður, rlinda@hringjsa.is

HRINGSJÁ, Hátúni 10 d., s: 552-9380/562-2840, www.hringsja.is