Monthly Archives

June 2009

Sumarlokun skrifstofu

By | Fréttir, Review links | No Comments

Skrifstofan er nú lokuð vegna sumarleyfa, opnum aftur þriðjudaginn 11. Ágúst kl. 10,00. Hægt er að lesa skilaboð inn á símsvarann eða senda okkur tölvupóst (diabetes@diabetes.is) og verða skilaboð skoðuð annað slagið meðan fríið stendur.

Við minnum einnig á gönguferðir samtakanna annan hvern fimmtudag kl. 20 sjá nánar hér

Gleðilegt sumar!

Mikið fjör í sumarbúðum unglinga

By | Fréttir | No Comments

Sumarbúðir fyrir unglinga með sykursýki voru haldnar á vegum Dropans um Hvítasunnuhelgina þar sem 20 krakkar og 5 fararstjórar skemmtu sér konunglega. Að þessu sinni var farið í ævintýraferð um Suðurland og var dagskráin mjög fjölbreytt. Gist var í Hveragerði allar næturnar og var meðal annars farið í Laser-tag, á kajak, í adrenalíngarðinn á Nesjavöllum, borðað á Fjöruborðinu, farið í bíó, púlað í Bootcamp, buslað í sundi og dýra-, álfa-, og draugasafnið var skoðað.  Einnig var krökkunum skipt upp í hópa og þeir héldu fyrirlestur fyrir hvort annað um mismunandi málefni sem tengjast sykursýki.

Sumarbúðirnar eru haldnar árlega og eru þær mjög mikilvægar fyrir krakka með sykursýki til að byggja upp sjálfstraust og hitta aðra krakka sem eru með sykursýki. Bæði læra þau hvert af öðru og sjá að það eru aðrir sem eru í sömu sporum og þau sjálf. Krakkarnir náðu ótrúlega vel saman og í lok ferðarinnar voru þau strax farin að spyrja um það hvert verði farið að ári.