Monthly Archives

September 2011

Gönguferðir

By | Fréttir | No Comments

Samtökinn vekja athygli á því að gönguferðirnar eru komnar á vetrartíma það er að annan hvern sunnudag kl. 13:00. Upplýsingar um gönguferðir má nálgast á vefnum undir liðnum Gönguferðir

Næsta sunnudag 25.september verður gönguferð kl 13:00 og mun Birgitta Spur safnstjóri í listasafni Sigurjóns Ólafssonar leiða gönguna og veita upplýsingar um markverða staði á tanganum.

Endilega fjölmennið og takið með ykkur gesti. Göngurnar taka venjulega um eina klukkustund og eru miðaðar við að fólk þurfi ekki að vera í miklu gönguformi til að geta tekið þátt. Tilvalið fyrir þá sem vilja hitta aðra með sykursýki að mæta og hreyfa líkamann í leiðinni.

Spjallborði lokað

By | Fréttir | No Comments

Alvarlegar árásir hafa verið gerðar undanfarið hérlendis og erlendis, á vefþjóna og þjónustur. Ein þessara árása beinist að Spjallborðum ( svipað og hefur verið á þessari heimasíðu ). Vegna þessa þurfti að grípa til öryggisráðstafanna og hefur spjallborðinu verið lokað um óákveðinn tíma. Hægt er að vera í samskiptum á facebook síðu samtakanna í staðinn.

Fréttabréf

By | Fréttir | No Comments

Fréttabréf
Samtaka sykursjúkra

Hátúni 10b, 105 Reykjavík, Sími 562-5605,
Netfang diabetes@diabetes.is Heimasíða www.diabetes.is sept  2011. Ritstjóri og ábyrgðarmaður
Sigríður Jóhannsdóttir.

Haustferð
Hin sívinsæla haustferð verður farinn laugardaginn 17. september. Farðið verður í Bása á Goðaland (Þórsmörk) .
Skoðaðar verða afleiðingar eldgossins í Eyjafallajökli og gossins á Fimmvörðuhálsi.
Lagt verður af stað kl 09:00 frá Hátúni 10B
Ferðin kostar kr. 5000 frítt fyrir börn 12 ára og yngri.
Ein máltíð er innifalin í verði.
Ferðalangar hafi með sér nesti og hlý föt.
Skráning í síma 562-5605 og á netfanginu diabetes @ diabetes. Einnig er hægt að skrá sig í síma
892-5567 Ómar Geir. Skráningu lýkur þriðjudaginn 13. september.
Mætum sem flest og njótum þess að vera saman

Yfirlýsing frá Öryrkjabandalagi Íslands (ÖBÍ):

Varðandi greiðsluþátttöku sjúklinga í lyfjakostnaði.

Alþingi hefur nú til meðferðar frumvarp til laga sem er breyting á lögum nr. 112/2008 um sjúkratryggingar, nánar til tekið um greiðsluþátttöku sjúklinga í lyfjakostnaði. Um er að ræða heimildarákvæði til breytinga í greiðsluþátttökunni. Með frumvarpinu fylgja drög að nýrri reglugerð sem útfærir breytingarnar.
Öryrkjabandalag Íslands er hlynnt þeirri kerfisbreytingu sem boðuð hefur verið og kynnt var af starfshópi í október 2010 og á fundi með ráðherra velferðarmála sl. vor. Hér er um mikið réttlætismál að ræða. Ný útfærsla byggir á jafnræði milli fólks með sjúkdóma.
Í því frumvarpi sem fyrir alþingi liggur felst breyting á núverandi lögum á þeim heimildarákvæðum sem þar eru sett fram. Ákvæðin eru mjög opin og vald ráðherra nær ótakmarkað.
ÖBÍ vill að sú grunnhugsun sem kynnt var og kemur fram í skýrslu starfshópsins frá október 2010 verði bundin í lögum, þannig verði öryggi sjúklinga einungis tryggt. Eftirfarandi þarf að binda í lögunum:

  1. Að gjald fyrir lyf verði hlutfallslegt og þrepaskipt eftir uppsöfnuðum lyfjakostnaði.
  2. Að gjald fyrir lyf skal vera lægra hjá örorku-, endurhæfingar- og ellilífeyrisþegum, börnum, fólki í atvinnuleit og þeim er verða að reiða sig á framfærslu félagsþjónustu sveitarfélaga.
  3. Ákvæði verði sett um hámarksþak á árlegum kostnaði sjúkratryggðra og þar eftir 100% greiðsluþátttöku sjúkratrygginga.
  4. Tilgreina þarf þrepaskiptingu á kostnaði í reglugerð og hámarksþak sem skal auglýsa með góðum fyrirvara.
  5. Að breytingar á greiðsluþátttöku skulu unnar og kynntar í samráði við hagsmunasamtök sjúklinga.

Varðandi drög að reglugerð sem frumvarpinu fylgir hefur ÖBÍ margt við þau að athuga og fer sérstaklega fram á að eftirfarandi atriðum verði breytt:

  1. Krafist er hámarksþaks á greiðsluþátttöku sjúkratryggðra.
  2. Fyrirkomulag S-merktra lyfja verði áfram eins og það er í dag.
  3. Félagslega stuðningskerfið verði uppfært í samræmi við raunveruleikann.

Sjá umsögn ÖBÍ við frumvarpinu á www.obi.is.

Ekkert um okkur, án okkar!

Frá Ritstjóra

Birti hér til fróðleiks yfirlýsingu frá ÖBI um nýtt frumvarp sem fjallar um breytingu á greiðsluþátttöku sjúklinga í lyfjakostnaði.
Þetta varðar okkur öll, en sérstaklega okkur sem erum með sykursýki en þau lyf hafa verið gjaldfrjáls hingað til.
En samkvæmt frumvarpinu verða breytingar á því.

 

Gönguferðir haustið 2011

11. september    Vífilsstaðavatn
25. september Listasafn Sigurjóns Ólafssonar, Laugarnestanga 70
9. október       Morgunblaðshúsið, Hádegismóum
23. október Víkingsheimilið, Traðarlandi 1
6. nóvember     Kaffivagninn, Grandagarði
20. nóvember Útvarpshúsið, Efstaleiti 1
4. desember   Hallgrímskirkja

Hittumst hress í gönguhópnum og tökum með okkur gesti.

Kveðja

Helga Eygló og gönguhópurinn