Monthly Archives

April 2015

Sumaráætlun gönguhópsins

By | Fréttir | No Comments

Sumargöngur 2015 Gengið er á fimmtudögum kl.20 7.maí Hittumst við Haukaheimilið Hafnarfirði 21.maí Árbæjarkirkja Rofabæ 4.júní Álafosskvosin Mosfellsbæ 18.júní Sundlaugin Álftanesi 2.júlí N1 Fossvogi 13.ágúst Olís Norðlingarholti 27.ágúst Grafarvogskirkja Grafarvogi Tökum sumarfrí eftir 3. júlí og byrjum aftur 13. ágúst Hittumst hress í gönguhópnum og tökum með okkur gesti. Allir eru velkomnir í göngurnar. Kveðja Helga Eygló og gönguhópurinn Gsm: 6923715

Kröfuganga 1.maí

By | Fréttir | No Comments

Samtök sykursjúkra eru aðilar að Öryrkjabandalagi Íslands. Hér er tilkynning frá formanni og varaformanni ÖBÍ varðandi 1.maí. Nú er undirbúningur fyrir 1. maí í fullum gangi hjá okkur. Við ætlum að taka þátt í göngu verkalýðshreyfingarinnar eins og við höfum gert undan farin ár. Í fyrra var slagorðið okkar „Burtu með fordóma“ en í ár verður slagorðið „Atvinna fyrir alla“ og við munum dreifa nokkur þúsund höfuðbuffum líkt og í fyrra. Auk þess munum við safna undirskriftum þar sem fólk skorar á stjórnvöld til að lögfesta Samning Sameinuðu þjóðanna um réttindi fatlaðs fólks. Undirskriftunum verður meðal annars safnað á þar til gerða miða sem festur verður á hvert buff. Krafan um atvinnu fyrir alla er meðal annars tilkomin vegna þess að á síðustu mánuðum hefur það sýnt sig að atvinnulífið er ekkert sérstaklega opið fyrir því að ráða fólk með skerta starfsgetu í vinnu. Sést það best á þeim fjölda starfa sem hafa skilað sér með átakinu „Virkjum hæfileikana, alla hæfileikana“ sem Vinnumálastofnun, ÖBÍ og Landssamtökin Þroskahjálp hafa staðið fyrir frá því byrjun nóvember á síðasta ári. Einungis hafa sex störf skilað sér með þessu átaki en þess ber að geta að átakið stendur enn yfir og auðvitað vonumst við til þess að fleiri störf eigi eftir að skila sér á næstu vikum. Þá vonumst við einnig til að geta haft áhrif á framgang þessara mála með kröfugöngu okkar 1. maí. Við hvetjum félagsmenn aðildarfélaga til að koma og taka þátt í göngunni með okkur. Gangan hefst kl.13,30 frá Hlemmi en einnig má slást í hópinn á Lækjartorgi eða hitta okkur á Ingólfstorgi. Ellen Calmon, formaður ÖBÍ Halldór Sævar Guðbergsson, varaformaður ÖBÍ

Gönguhópurinn

By | Fréttir | No Comments

Minnum á gönguferðirnar okkar. síðasta ferð vetrardagskrár er áætluð sunnudaginn 26.apríl næstkomandi kl.13 og verður safnast saman við bensínstöðina Barðastöðum í Grafarvogi. sumardagskráin verður svo auglýst von bráðar. allir velkomnir!