Monthly Archives

November 2015

Um heilann

By | Fréttir | No Comments

Opinn fræðslufundur um heilann í blíðu og stríðu sköpunarverk hans og erfðir Allir velkomnir laugardaginn 12.desember kl.14-15,30 í fyrirlestrasal Íslenskrar Erfðagreiningar, Sturlugötu 8

JÓLAFUNDUR

By | Fréttir | No Comments

JÓLAFUNDUR SAMTAKA SYKURSJÚKRA Okkar árlegi og bráðskemmtilegi jólafundur verður haldinn fimmtudaginn 3.desember næstkomandi, kl.20 í húsnæði félagsins að Hátúni 10. Á dagskrá verður: Hugvekja, sr.Ólafur Jóhannsson Upplestur, Iðunn Steinsdóttir Tónlist, Eirný og félagar Jólalegar veitingar. Fjölmennum, tökum með okkur gesti og eigum saman góða jólastund.

Alþjóðadagur sykursjúkra – sjálfboðaliðar óskast

By | Fréttir | No Comments

Að venju verðum við með kynningu og bjóðum fólki að mæla blóðsykur í Smáralind laugardaginn 14.nóv kl.13-16. Við erum óvenju fáliðuð að þessu sinni og óskum eftir sjálfboðaliðum til að aðstoða okkur, að tala við fólk, kynna félagið, svara spurningum um sykursýki og mæla blóðsykur. Ef þú getur séð af 1 klst (eða fleiri) hafðu þá samband við Sigríði formann í síma 896-1753.

Afhending undirskrifta við Alþingi

By | Fréttir | No Comments

Afhending undirskriftalista um fullgildingu samnings Sameinuðu þjóðanna um réttindi fatlaðs fólks. Öryrkjabandalag Íslands hefur undanfarna mánuði staðið fyrir undirskriftasöfnun á vefsíðunni www.obi.is þar sem skorað er á stjórnvöld að fullgilda samning Sameinuðu þjóðanna um réttindi fatlaðs fólks. Undirskriftarsöfnunni lýkur á miðnætti þriðjudaginn 10. nóvember. Formaður ÖBÍ mun afhenda innanríkisráðherra undirskriftirnar við Alþingishúsið nk. miðvikudag 11. nóvember kl. 12.30. Þá stendur einnig til að afhenda öllum þingmönnum fugl sem unninn er af Nilsínu Larsen Einarsdóttur sem er varamaður í stjórn ÖBÍ. Fuglinn táknar ósk fatlaðs fólks sem felst meðal annars í fullgildingu samningsins. Samningur Sameinuðu þjóðanna um réttindi fatlaðs fólks er leiðarvísir að því hvernig tryggja skal fötluðu fólki mannréttindi og tækifæri til jafns við aðra í lífinu og gera því þannig kleift að vera virkir þátttakendur í samfélaginu.151 land hefur fullgilt samninginn og aðeins örfá Evrópulönd eiga eftir að fullgilda hann. Ísland er annað tveggja Norðurlanda sem ekki hafa fullgilt hann, hitt er Finnland sem er að ljúka við vinnu við fullgildingu um þessar mundir.