Monthly Archives

November 2017

Jólafundur

By | Fréttir | No Comments

christmas-dinner-big-happy-family-together-27957287

30.nóv 2017

Jólafundur

 

JÓLA-SKEMMTI-FUNDUR

Sameiginlegur jólafundur LAUF – félags flogaveikra, Samtaka sykursjúkra og Félags nýrnasjúkra, verður haldinn fimmtudagskvöldið 30.nóv næstkomandi, kl.20 í Hásal, nýjum veislusal í Hátúni 10, gengið inn hjá versluninni.

Hvetjum félagsmenn allra félaganna til að fjölmenna og taka með sér gesti.

ALLIR VELKOMNIR!

 

DAGSKRÁ

────

Tónlist: Hildur Vala syngur við undirleik Jóns Ólafs

────

Sr.Davíð Þór Jónsson í Laugarneskirkju flytur hugvekju

────

Vilborg Davíðsdóttir, rithöfundur, les úr nýrri bók sinni Blóðug Jörð

────

Jólakaffiveitingar

Samtök sykursjúkra

FÉLAG NÝRNASJÚKRA

LAUF – FÉLAG FLOGAVEIKRA

Frá Inter Medica

By | Fréttir | No Comments

Ef þú ert á pennameðferð við sykursýki þá getur Guardian Connect appið auðveldað þér lífið.

Með Guardian Connect getur þú séð blóðsykurgildið þitt og hvort það er að hækka eða lækka, hvar og hvenær sem er með því að skoða stöðuna í símanum þínum.

Það dregur úr áhyggjum þínum varðandi háan blóðsykur og blóðsykursföll að geta á einfaldan hátt sett upp viðvaranir fyrir háan og lágan blóðsykur og hvert hann er að stefna. Aðstandendur þínir geta einnig fylgst með stöðunni og fengið SMS skilaðboð ef þú færð blóðsykursfall eða háan blóðsykur.

Þessi tækni virkar þannig að sykurnema er stungið undir húð, neminn mælir stöðugt sykurinn í millifrumuvökvanum, á fimm mínútna fresti er reiknað út meðaltal og talan uppfærist í appinu. Til að auka nákvæmnina þarf að mæla blóðsykur að lágmarki á 12 tíma fresti eða 2 x á sólarhring.

Þú getur haft samband við InterMedica í síma 564-5055 fyrir frekari upplýsingar http://medica.is/

Hér er myndband sem skýrir þetta vel:

 

Alþjóðadagur sykursjúkra

By | Fréttir | No Comments

 

Í dag er alþjóðadagur sykursjúkra. En dagurinn er einn af dögum Sameinuðu þjóðanna, svona eins og alnæmisdagurinn og dagur jarðar og dagur vatnsins og baráttudagur kvenna og fleiri.
Af því tilefni voru Samtök sykursjúkra s.l. laugardag, þann 11.nóvember, í Smáralind og buðu gestum og gangandi að fá mældan blóðsykur og sögðum fólki frá félaginu okkar.
Mældir voru um 400 manns, flestir voru sem betur fer með eðlilegan blóðsykur, en að venju fundum við nokkra sem bent var á að leita til læknis við fyrsta tækifæri.
TIL HAMINGJU MEÐ DAGINN!

Heimasíða göngudeildar sykursjúkra

By | Fréttir | No Comments

Bendum skjólstæðingum göngudeildar sykursjúkra á að nýta sér tæknina til að auðvelda bæði sjálfum sér og starfsfólki deildarinnar verkin, og spara tíma.

Á heimasíðu deildarinnar er hægt að panta tíma hjá lækni/hjúkrunarfræðingi/fótaaðgerðafræðingi/næringarfræðingi/félagsráðgjafa – þar er hægt að panta endurnýjun lyfseðla – og senda skilaboð til starfsfólks.
Einnig er nýkominn inn hnappur, merktur Í NEYÐ, þar eru leiðbeiningar um það hvernig ná má sambandi ef eitthvað óvænt og alvarlegt kemur upp á.
Á síðunni er líka mikið af fræðsluefni af ýmsu tagi.

http://www.landspitali.is/sjuklingar-adstandendur/klinisk-svid-og-deildir/dag-og-gongudeildir/innkirtladeild/

Fræðslufundur í kvöld

By | Fréttir | No Comments

Minnum á áður auglýstan fræðslufund í kvöld, miðvikudaginn 8.nóvember, kl.20.

Fundurinn verður haldinn í nýjum sal í Hátúni 10, jarðhæð; gengið inn hjá versluninni.

Næring, hreyfing, hvíld og heilsa; hvað getum við gert sjálf til að efla heilbrigði okkar?

Erla Gerður Sveinsdóttir og Tryggvi Þorgeirsson, læknar, ræða um tengsl lífsstíls og heilsu og fyrirhugað árveknisátak um þau efni.