All Posts By

frida

Námskeið fyrir stuðningsfulltrúa (Stuðningsnet sjúklingafélaganna)

By | Fréttir | No Comments

Samtök sykursjúkra eru ásamt 14 öðrum sjúklingafélögum á bak við Stuðningsnet sjúklingafélaganna, sem byggir á jafningjastuðningi. Allar upplýsingar eru hér: www.studningsnet.is

Næsta námskeið fyrir þá sem vilja gerast stuðningsfulltrúar verður haldið mánudagana 11. og 18. febrúar næstkomandi.
(ATH! þetta er eitt námskeið sem er skipt á tvö kvöld)

Ef þú hefur áhuga á að styðja við aðra sem eru í sömu aðstæðum og þú ert í eða hefur verið í, sem einstaklingur með sjúkdóm eða aðstandandi slíks einstaklings, skráðu þig þá hér: http://studningsnet.is/studningsfulltruar/

Jólalokun skrifstofu

By | Fréttir | No Comments

JÓLA JÓLA JÓLA!!!
Við erum farin í jólafrí, opnum næst þriðjudaginn 8.janúar kl.10

Á meðan er hægt að senda skilaboð hér á facebook, eða senda okkur tölvupóst í diabetes@diabetes.is eða lesa skilaboð inn á símsvara í 562-5605. Skilaboð verða athuguð með nokkurra daga millibili.

Óskum félagsmönnum okkar og öðrum velunnurum gleði og friðar á jólum og þökkum samstarf á árinu sem er að líða.

Retina Risk appið, frítt fyrir alla sem vilja fylgjast með áhættu gagnvart augnsjúkdómum

By | Fréttir | No Comments

Retina Risk App – Áhættureiknir fyrir sykursjúka
Nýlega hefur verið sett á markað nýtt app, Retina Risk™, sem er reiknivél sem aðstoðar sykursjúka við að greina einstaklingsbunda áhættu þeirra á augnsjúkdómum og sjónskerðingu vegna sykursýki.
Um er að ræða byltingakennda tækninýjung sem er byggð á vísindalegum rannsóknum, bæði íslenskum og erlendum, þar sem 20.000 einstaklingar með sykursýki tóku þátt.
Retina Risk™ appið metur sjálfvirkt einstaklingsbundna áhættu sykursjúkra á því að fá augnsjúkdóm þar sem sjónin er í hættu (sighthreatning retinopathy). Hugbúnaðurinn reiknar einnig hvenær er skynsamlegt að einstaklingurinn komi aftur til augneftirlits í samræmi við einstaklingsbundna áhættu hvers og eins.

Appið hefur einnig að geyma almennan fróðleik varðandi sykursýki, augnsjúkdóma og aðra algenga fylgikvilla. Retina Risk™ appið er einstaklingsmiðað og einfalt í notkun.

Retina Risk appið er fáanlegt gjaldfrítt bæði fyrir iOS og Android í Apple Store og Google Play.

Fræðslukvöldi hjá Stuðningsneti sjúklingafélaganna frestað

By | Fréttir | No Comments

Heil og sæl

 

Ákveðið hefur verið að fresta fyrirhuguðu fræðslukvöldi stuðningsfulltrúa og aðildarfélaga Stuðningsnets sjúklingafélaganna sem átti að vera 13. desember kl. 17 í Síðumúla 6 þar sem Helga umsjónaraðili Stuðningsnetsins er að jafna sig eftir aðgerð. Við munum senda ykkur nýja tímasetningu um leið og hún liggur fyrir.

 

Óskum ykkur gleðilegra jóla. 🎅

 

Stjórn Stuðningsnetsins

Fríða, Sirrý og Stefanía  

 

Er gætt að geðheilsunni

By | Fréttir | No Comments

Við minnum á þetta mikilvæga málþing ÖBÍ: Er gætt að geðheilbrigði? sem haldið verður þriðjudaginn 20. nóvember næstkomandi, á Grand hóteli í Reykjavík.

Stefna og aðgerðaáætlun í geðheilbrigðismálum til fjögurra ára er nú á miðju tímabili. Á málþingi málefnahóps ÖBÍ um heilbrigðismál verður farið yfir stöðuna og skoðað hvort aðgerðir séu í raun á áætlun.

 

Við hvetjum ykkur öll til að mæta og láta orðið berast sem víðast.

 

Dagskrá og skráningareyðublað má finna á síðu viðburðarins á vef ÖBÍ:

 

https://www.obi.is/is/um-obi/vidburdir/er-gaett-ad-gedheilbrigdi

Tímamót í velferðarþjónustu

By | Fréttir | No Comments

Velferðarráðuneytið í samvinnu við Nýsköpunarmiðstöð Íslands og Sjálfsbjörg, landssamband hreyfihamlaðra, boðar til ráðstefnu og málstofa dagana 7. – 8. nóvember á Hótel Hilton Reykjavík  undir yfirskriftinni Tímamót í velferðarþjónustu“. 

Dagskrá ráðstefnunnar  7. nóvember
Dagskrá á máls- og vinnustofum 8. nóvember
Skráðu þig núna!

Aðgangur er ókeypis og öllum opinn
Hægt er að skrá sig á annan eða báða dagana.