Rauðvínsmaríneruð andabringa
Fyrir 2 (ef notað sem forréttur þá fyrir 4)
Efni:
300 gr andabringur
½ lítill laukur
1 lítil gulrót
1 lítil sneið steinseljurót
1,5 dl rauðvín
2 greinar ferskt timian eða 1,5 tsk þurrkað
1 lítið lárviðarlauf
5 piparkorn
salt.
Aðferð:
- Andabringan þurrkuð með eldhúsþurrku.
- Skorið í efsta húðlagið og bringan lögð í lítið ílát sem hægt er að loka.
- Laukurinn flysjaður og grófhakkaður
- Gulrótin og steinseljurótin flysjaðar og skornar í sneiðar
- Grænmeti, rauðvín og krydd blandað saman og hellt yfir bringuna.
- Kjötið látið liggja í lokuðu íláti í leginum, í sólarhring.
- Kjötið tekið úr leginum og þerrað með eldhúsþurrku.
- Lagt í smurt eldfast fat með efsta húðlagið upp og salti stráð yfir.
- Marineringunni hellt yfir.
- Steikt í 225° heitum ofni í 25 mín.
- Álpappír breiddur yfir og látið standa í um 10 mínútur.
Borið þannig fram:
Andabringan er skorin í skástykki og borin fram með heitu rauðkálssalati og kartöflum, einnig má hafa sósu með, sem er löguð úr marineringunni, sem er þá síuð og jöfnuð.
Miðað við 2: (aðalréttur) Miðað við 4: (forréttur)
Orka 850 kJ Orka 425 kJ
Kolvetni 0 g Kolvetni 0 g
Fita 13 g. Fita 6,5 g
Uppskriftin og innihaldslýsing er þýdd af heimasíðu dönsku samtakanna