Samtök sykursjúkra

Samtök sykursjúkra voru stofnuð árið 1971 af hópi sjálfboðaliða.

fossStarfið hefur ávallt byggst á framlagi sjálfboðaliða; sykursjúkra, fjölskyldna þeirra og vina og áhugasams heilbrigðisstarfsfólks. Í upphafi árs 2016 voru félagsmenn í samtökunum um 1300 talsins. Auk sykursjúkra og aðstandenda þeirra kemur að starfinu fjöldi heilbrigðisstarfsmanna, apóteka, heilbrigðisstofnana og styrktaraðila.

Árlegur aðalfundur er haldinn í mars. Þar er kjörin 5 manna stjórn sem skiptir með sér verkum og fer hún með öll málefni samtakanna milli aðalfunda.

Samtök sykursjúkra eru landssamtök en einnig eru starfandi samtök foreldra sykursjúkra barna.

Samtökin hafa einn starfsmann í hlutastarfi og er skrifstofan opin tvo morgna í viku, á þriðjudögum og fimmtudögum kl. 10-12. Skrifstofan er til húsa í Setrinu, á jarðhæð í Hátúni 10, en þar leigja saman nokkur sjúklingafélög.

Meginverkefni samtakanna eru

  • Að ljá sykursjúkum rödd í almennri umræðu og að tala máli þeirra við yfirvöld.
  • Að gefa út fræðsluefni um sykursýki og fylgikvilla hennar, bæði fyrir sjúklingana sjálfa og fyrir allan almenning.
  • Að skipuleggja fjölbreytt félagsstarf fyrir félagsmenn sína.
  • Halda uppi fræðslu um sykursýki
  • Vinna að því að styrkja heilsugæslu, forvarnir og að styðja við starfsemi göngudeildar sykursjúkra á Landspítala Háskólasjúkrahúsi.

Samtökin gefa út ýmis konar bæklinga fyrir sykursjúka og aðra áhugasama. Einnig gefur félagið út tímaritið Jafnvægi einu sinni á ári, heldur fræðslu- og skemmtifundi, starfrækir gönguhóp og skipuleggur ferðalög.

Samtök sykursjúkra eru hluti af IDF, alþjóðlegum samtökum sykursjúkra, og félagið er einnig virkt í samstarfi Norðurlandanna, auk þess sem þau eru hluti af Öryrkjabandalagi Íslands.

Skrifstofa samtakanna er opin þriðjudaga og fimmtudaga klukkan 10-12.

Fólk er hvatt til að skilja eftir skilaboð á símsvara samtakanna eða senda tölvupóst utan þess tíma.