Í desembermánuði fékk Tabú styrki til þess að halda þriðja grunnnámskeiðið frá upphafi fyrir fatlaðar og/eða langveikar konur en mikil eftirspurn hefur verið eftir slíku námskeiði. Fyrri námskeið hafa vakið mikla ánægju og skapað hóp af konum sem nú vinnur saman að því að efla sig sjálfar og vinna að samfélagsumbótum, hver með sínum hætti. Næsta námskeið hefst 2. febrúar 2016 og er samstarfsverkefni Tabú og Kvennahreyfingar ÖBÍ. Í viðhengi er auglýsing sem okkur þætti vænt um að þið kæmuð áfram til félagsmanna ykkar um námskeiðið. Við leggjum áherslu á að námskeiðin séu fyrir allar konur, óháð tegund og sýnileika skerðingar. Við viljum kappkosta að allar konur sem taka þátt upplifi sig velkomnar og að með það fyrir augum skapa sem besta og aðgengilegasta aðstöðu fyrir okkur allar. Engin fötluð og/eða langveik kona er of „mikið“ eða „lítið“ fötluð/langveik til þátttöku á námskeiðinu. Fjölbreytileiki hópsins er styrkur námskeiðsins. Tímabil: 2. febrúar-12. apríl 2016 Staður og tími: Á höfuðborgarsvæðinu, þriðjudögum kl. 19:00-22:00. Námskeiðsverð: 15.000 kr. Umsjón: Embla Guðrúnar Ágústsdóttir og Freyja Haraldsdóttir Skráning er hér: http://tabu.is/skraning/ Bestu kveðjur / kind regards Freyja Haraldsdóttir Talskona Tabú wwww.tabu.is #tabufem

The post Tabú með námskeið fyrir konur appeared first on diabetes.