Næstkomandi fimmtudagskvöld 19. maí ætlum við að smala saman flottasta unga fólkinu á landinu, þ.e. ungu fólki með sykursýki týpu 1. Það er alveg klárt að það er kominn tími til að fylgja betur eftir partýinu sem haldið var í fyrra og hittast reglulega. Búið er að leigja sal á Hotel Plaza við Ingólfstorg þar sem við ætlum að hittast í u.þ.b. klukkara og fræðast um alvarlega fylgikvilla sjúkdómsins en dr.Tómas ætlar að leiða okkur í sannleikann um þá, vægast sagt spennandi. Þar að auki mun Björn Ágúst Hansson (Bjössi m&m’s) halda stutt uppistand um Pepsi Max fíknina sína. Boðið verður upp á léttar veitingar. Það missir enginn af þessu, það er bara þannig! Skyldumæting! Í framhaldi höldum við aðeins út á lífið og eigum saman skemmtilega stund, nánar um það síðar en hugmyndin er að græja tilboð á einhverjum bar. Þetta verður frábært tækifæri fyrir okkur að kynnast hvort öðru og ræða allt fjörið og vandræðalegheitin sem oft fylgja sykursýkinni. Þessi viðburður er eingöngu hugsaður fyrir fólk með týpu 1, enga fylgifiska, svo formúlan getur í raun ekki klikkað.

Stutta útgáfan 19. maí, Hotel Plaza Ingólfstorg kl. 20:00, Léttar veitingar Inngönguskilyrði – sykursýki týpa 1 Tómas læknir um alvarlega fylgikvilla Björn Ágúst um PepsiMax fíkn Kíkjum svo út á lífið saman

Smá letrið: Viðburðurinn er hugsaður fyrir 18 ára og eldri

The post Ung fólk með sykursýki hittist appeared first on diabetes.