Breytingar á reglugerð vegna niðurgreiðslu hjálpartækja – og Freestyle Libre

By January 7, 2020Fréttir

Vekjum athygli á breytingum á reglugerð vegna hjálpartækja. Búið er að bæta niðurgreiðslum vegna sítengdra blóðsykursmæla inn í reglurnar, auk þess sem samræmd er niðurgreiðsluprósentan vegna hinna ýmsu hjálpartækja. Hér eftir verður niðurgreiðslan 90% vegna allar hlutanna (sprautunálar, dæla og fylgihlutir, blóðsykurmælar og -nemar, blóðhnífar, strimlar) en áður var þetta allt frá 75% og upp í 90% og ekki einfalt að átta sig á því hvaða prósenta átti við hvaða hluti.

Og ástæðan fyrir því að búið er að bæta sítengdum blóðsykurnemum inn í reglurnar um niðurgreiðslu er einmitt sú að eftir langa bið er nú loks að verða af því að Freestyle Libre blóðsykurneminn komist hér á markað. Búist er við því að hægt verði að fá slíkt afgreitt í febrúar, en við munum láta vita þegar það er orðið alveg fastákveðið.