Hvatningarverðlaun ÖBÍ

By June 4, 2020Fréttir

Frá undirbúningsnefnd Hvatningarverðlauna ÖBÍ, allir geta sent inn tilnefningar og eins margar og hver vill.

 

Reykjavík 02.06.2020
Ágæti viðtakandi
Bréf þetta er sent á formenn og framkvæmdastjóra aðildarfélaga ÖBÍ og annarra félaga og félagasamtaka sem málið varðar en tilefnið er að minna á Hvatningarverðlaun ÖBÍ 2020 sem afhent verða á Alþjóðadegi fatlaðs fólks 3. desember n.k. Á eftirfarandi slóð http://www.un.org/en/events/disabilitiesday/ má lesa nánar um daginn en markmiðið með deginum er meðal annars að minna okkur á skuldbindingu okkar um að vinna saman að betri og sjálfbærari heimi, þar sem við njótum öll sömu réttinda.
Óskað er eftir tilnefningum frá ykkur í eftirfarandi flokka fyrir 15. september 2020.
Verðlaunaflokkarnir eru fjórir. Flokkur: Einstaklinga
Fyrirtækja og stofnana
Umfjöllunar og kynninga
Aðildarfélaga ÖBÍ
Nánar um verðlaunin:
Verðlaunin eru veitt þeim sem þykja hafa skarað fram úr og endurspeglað nútímalegar áherslur um jafnrétti, sjálfstætt líf og þátttöku fatlaðs fólks í samfélaginu og með því stuðlað að einu samfélagi fyrir alla. Sjálfsagt er að tilnefna sömu aðila og áður hafa verið tilnefndir ef vitað er að þeir séu vel að verðlaununum komnir.
Vinsamlegast sendið tilnefningar rafrænt á eyðublaði sem finna má á heimasíðu ÖBÍ á slóðinni: https://www.obi.is/is/um-obi/hvatningarverdlaun-obi/hvatningarverdlaun-eydublad
Einnig má prenta eyðublaðið út og senda í hefðbundnum pósti til Kristínar M. Bjarnadóttur starfsmanns nefndarinnar á skrifstofu ÖBÍ, Sigtúni 42, 105 Reykjavík.
Félög og félagasamtök eru hvött til að vekja athygli félagsmanna sinna og velunnara á verðlaununum og leita til þeirra um tilnefningar, s.s. með útsendingu fjölpósts og tengingu ofangreindrar slóðar inn á heimasíðu félagsins eða á facebook hóp. Það er einlæg von okkar að við öll, aðildarfélögin og ÖBÍ hjálpist að við að gera daginn sem glæsilegastan.
Undirbúningsnefndina skipa:
Alvar Óskarsson, MS félag Íslands
Fríða Rún Þórðardóttir, Astma og ofnæmisfélag Íslands
Helga Magnúsdóttir, Sjálfsbjörg lsh
Hrannar Björn Arnarson ADHD samtökin
Karl Þorsteinsson, Ás styrktarfélag
Vignir Ljósálfur Jónsson, HIV-Ísland
Leggjumst öll á eitt og vekjum mikla og jákvæða athygli á deginum.
Með kveðju,
Fríða Rún Þórðardóttir
Formaður undirbúningsnefndar Hvatningarverðlauna ÖBÍ