Vantar þátttakendur í rannsókn

By February 25, 2020 Fréttir

Kæri viðtakandi.

Við erum tveir hjúkrunarfræðingar og mastersnemar við Copenhagen Business School í Danmörku,
og erum að skrifa lokaverkefnið okkar í MSc í Business Administration and Innovation in Healthcare.

Lokaverkefnið okkar er skrifað í samvinnu við Göngudeild Sykursýki á Landspítalanum og erum við að skoða hvernig hægt sé að nota gögn sem einstaklingar með sykursýki týpu 1 safna með Continous Glucose Monitors til þessa að tæknivæða þjónustuferla göngudeildarinnar með það að sjónarmiði að auka gæði og skilvirkni þjónustunnar.

Ef þú ert með sykursýki týpu 1 og ert í eftirliti á Göngudeild Sykursýki á Landspítalanum langar
okkur mikið til þess að heyra hvernig þú notar tækni til þess að halda utan um þinn sjúkdóm og hvert þitt viðhorf er til tækni og fjarheilbrigðisþjónustu.

Viðtalið yrði um 20-30 mínútur og færi fram á höfuðborgasvæðinu. Eftirfarandi tímasetningar eru í boði:
4. mars á milli 14:00-16:00 á Landspítalanum í fossvogi
5. Mars á milli 8:00-18:00 – staðsetning tilkynnt síðar
6. Mars á milli 8:00-18:00 – staðsetning tilkynnt síðar

Ef þessar tímasetningar henta ekki kemur símaviðtal/skype einnig til greina.

Vertu þáttakandi í að auka gæði og skilvirkni í þinni þjónustu. Það er mikilvægt að fá ykkar innsýn í
þjónustuna og hvað mætti fara betur, þín rödd skiptir máli því engin veit betur en þú hvernig er að lifa með sykursýki 1 og þær áskoranir sem því fylgja.

Ef þú hefur áhuga á því að tala við okkur biðjum þig að hafa samband við okkur í tölvupósti.
Kærar kveðjur,
Auður Guðmundsdóttir (augu18ab@student.cbs.dk)
Kristin Sigurðardóttir (krsi18ad@student.cbs.dk)

Ath. Fullum trúnaði er heitið og farið verðum með upplýsingarnar eins og lög um persónuvernd á
kveða. Nafn þátttakanda kemur hvergi fram og verða upplýsingarnar einungis notaðar til þess að bæta þjónustu göngudeildarinnar og skilja viðhorf einstaklinga með sykursýki til tækniframfara og
fjarheilbrigðisþjónustu.